Mostrando entradas con la etiqueta colaboración. Mostrar todas las entradas
Mostrando entradas con la etiqueta colaboración. Mostrar todas las entradas

miércoles, 2 de mayo de 2018

Frederick


Lionni, Leo, Frederick, Pontevedra: Kalandraka, 2005, [40 pp], (ISBN 978-84-933759-1-1).

Breve descripción. O autor e ilustrador desde conto Leo Lionni, naceu en Amsterdam (Holanda) e doutorouse en economía, pero mostraba grande interese polo deseño gráfico. Frederick unha obra recomenda a partir dos catro anos, relata a historia dunha familia de ratiños recolle provisións e todos traballan, agás Frederick, que aparentemente non fai nada. Pero sen que os demais o saiban, el tamén se aprovisiona: raiolas de sol, cores, palabras. Cando chega o inverno, os seus compañeiros recoñecen que a súa misión poética fora esencial para que os ratos sobrelevaran mellor a crueza da estación invernal. E así Frederick é aceptado tal e como é. Leo Lionni é un dos pioneiros do álbum ilustrado moderno.  Na cuberta podemos ver o ratiño protagonista que dá nome a esta obra, todo o álbum presenta un fondo branco e ilustrado.

Potencialidades educativas. Un dos temas que aborda o relato é a individualidade, o descubrimento e a aceptación da propia identidade. Frederick é poeta e demostra que, á súa maneira, tamén achega ao colectivo. O artista non se presenta commo un ser automarxinado, senón como alguén necesario para os demais. Fronte á importancia do traballo, Frederick reivindica a necesidade de alimentarse de máis cousas que palla e noces. Frederick pode parecer egoísta. Lonxe de recriminarlle a súa aparente pasividade, os veciños respectano e teñen curiosidade por ese mundo que, finalmente, agradecen.

Recursos de interese.

Vídeoconto

Actividades

Etiquetas. Coolaboración, Individualidade, Aceptación.

Autoría. Xoubiñas (Nuria María Serodio Pérez, Sara Vázquez Montes, Cristina Vidal García)

lunes, 30 de abril de 2018

A mellor sopa do mundo

Isern, Susana, A mellor sopa do mundo, ilustr. Mar Ferrero, trad. Paco Liván.Pontevedra: OQO Editora, col. “O”, 2015, [36 pp], (ISBN: 978-84-9871-526-2).


Breve descrición do formato e do contido. En este álbum narrativo de tapa dura, un narrador en terceira persoa conta unha fermosa historia de amizade. A protagonista é a tartaruga, que se encontra preparando una sopa deliciosa nunha fría noite de inverno. Pouco a pouco, algúns dos animais do bosque, comezan a chegar a súa casa, por suposto, cun ingrediente novo que engadirlle a sopa: Coello, cenorias; Cervo, froitos vermellos; Raposo, cebolas; Oso, mel; Lobo, pementos; Ourizo, allos porros e Rato, cogomelos. Todos xuntos cociñan, bailan e preparan a mesa e, ao chegar a cena, descobren que a sopa era a mellor que probaran nunca. Con esta obra podemos descubrir como facer a mellor sopa do mundo, o único que necesitamos son amigos, xa que con boa compañía todo sabe mellor, ese é o verdadeiro  ingrediente secreto. Na cuberta aparecen xuntos todos os animais dispostos en círculo, contemplando a sopa desde arriba ademais de recollérense o nome da autora, ilustradora e editorial. Nas gardas aparecen árbores espidas e neve, o que xa nos avanza que a obra se desenvolve en inverno e vai moito frío. Na portada, na folla esquerda hai unha dedicatoria -“Para Yves, Yuna, Adriel e Marc; por facer de calquera sopa, a mellor do mundo”- e na da dereita, aparece unha pequena árbore que fai a función de colgadoiro. Nela están todos os abrigos e debaixo, en fila, todos os zapatos dos animais. As ilustracións son alegres, cariñosas e dan tenrura ao lector ao longo de toda historia. O discurso é sinxelo e con pouca letra, as frases ou palabras máis relevantes de cada páxina están resaltadas en cor negra máis escura e ademais, cando chega cada animal á casa da tartaruga, repítese sempre a mesma secuencia.  

Potencialidades educativas. Con esta obra podemos traballar aspectos moi variados. En primeiro lugar, o máis importante é a amizade e o cariño que hai entre todos os animais da obra, podemos ver como se divirten xuntos e como colaboran a hora de preparar todo para a gran cea. En segundo lugar, tamén se poden traballar os animais que habitan nos bosques así como as súas características, alimentación… E, finalmente, podemos aproximarnos aos ingredientes utilizados polos animais para crear esa deliciosa sopa.



Recursos de interese:


Canción A mellor sopa do mundo:

Teatro:

Autoría: Amorosiñas (T. Alfaya, R. Castro e P. Collazo).

lunes, 16 de abril de 2018

A horta de Simón


Alejandro, Rocío, A horta de Simón, ilust. Rocío Alejandro, trad. Manuela Rodríguez, Pontevedra: Kalandraka editora, 2017, [pp. 44], (ISBN: 978-84-8464-348-7).

Breve descrición do formato e o contido. Álbum ilustrado de tapas duras gañador do X Premio Internacional Compostela para álbums ilustrados. Na cuberta non se ofrece unha imaxe completa do protagonista, o que nos permite facer inferencias sobre a súa identidade que, como acabamos sabendo, lle corresponde a Simón, unha cenoria. Nas gardas xa podemos observar como Simón está traballando na súa horta. O texto ocupa a parte esquerda do álbum, mentres que as ilustracións a parte dereita. Tamén hai momentos ao longo da historia, nos que aparece o texto en negra, como querendo chamar a atención da información achegada nese momento. Ademais en todo o álbum predomina a cor laranxa en sintonía coa cor da cenoria.
A partir dunha estrutura acumulativa, cóntase a historia de Simón, unha cenoria que como todos os anos, ao chegar a primavera, planta as súas cenorias na súa horta. Simón estaba plantando cando comezaron a chegar os seus amigos (a cerda, o rato, a raposa...) e lle propoñen plantar diferentes vexetais como leitugas, berenxenas..., para, finalmente, facer unha deliciosa ensalada. Chegou o momento no que había tantos vexetais plantados que case non había sitio para as cenorias de Simón. Os seus amigos tiñan medo de que Simón se enfadase, pero este apareceu cun cartel que poñía “A horta é de todos”. Nese intre todos os seus amigos agradeceron o seu xesto dicíndolle: “Grazas Simón”, “Que ben”...
Potencialidades educativas. A través desta obra podemos traballar diferentes alimentos saudables para a creación dunha boa alimentación, ademais do proceso da plantación das sementes. Unha das potencialidades máis importante recóllese na relevancia que lle dá ao feito de que todos colaboren motivados por un notable espírito solidario.
Etiquetas. Álbum ilustrado, alimentación, saúde, colaboración, solidariedade.
Autoría. Pulgariñas (Tatiana Vieitez Losada, Alicia Vidal Peneireiro, Cecilia Solla Vázquez e Ana Salgado Pazos).

martes, 10 de abril de 2018

Os maios

Fernández Serrano, Jacobo, Os Maios, ilust. Jacobo Fernández Serrano, col. “Pimpín por aquí non vin”, Vigo: Editorial Galaxia, 2006, [14 pp.], (ISBN: 978-84-9865-152-2).
Breve descrición do formato e contido. Trátase dun libro-acordeón en cartoné de dimensións 16x16cm, no que as súas páxinas se van abrindo ata que queda totalmente despregado horizontalmente. En canto ao discurso visual, pola parte dianteira podemos observar unha soa imaxe que se estende por todas e cada unha das páxinas, é dicir, cada páxina é continuación da anterior. A imaxe mostra como é o día da festa dos Maios con todo detalle. Pola parte traseira cada páxina mostra algo diferente; en cada unha aparecen dúas imaxes acompañadas do artigo e da palabra que a designa, estes cunha letra en minúscula non moi intelixible e branca sobre cores vivas, que tamén están presentes na parte dianteira. Trátase de obxectos e persoas que se relacionan con esta festa: a bruxa, a toupa, o maio, os fiúnchos etc.
Nesta pequena historia recréase o día da celebración desta festividade, como se se tratase dunha fotografía tomada nun momento dese mesmo día: a xente colabora montando os Maios, cantan e bailan, disfrázanse, regalan xestas, xogan a perseguirse… Todos se mostran ledos e parecen gozar do momento. Xa do lado oposto, e como se mencionou anteriormente, móstranse diferentes obxectos e persoas destacables deste día, sen contar unha historia.
Potencialidades educativas. A través desta obra, pódense achegar á aula valores como a colaboración e a cooperación, posto que, como podemos ver na sucesión de imaxes, ninguén está traballando só, sempre hai alguén que o axuda. Tamén se podería traballar a amizade, debido a que se observan nenos pequenos e máis maiores xogando xuntos.

Autoría. Festeiras (Icía Domínguez, Irene González e Laura Juanatey)

lunes, 2 de abril de 2018

Allumette

Allumette



Ungerer, Tomi, Allumete, trad. Sandra e Óscar Senra Gómez, Pontevedra: Kalandraka Editora, [40 pp.], (ISBN: 9788484643463). 






Breve descrición do formato e contido da obra. Adaptación de Tomi Ungerer a partir do conto orixinal A vendedora de mistos, de H. C. Andersen. Na cuberta deste álbum de tapas duras xa se reflicten os elementos centrais desta historia ilustrada cun estilo pictórico expresivo a dobre páxina e con distintos recursos gráficos, achegando detalles que completan a narración. As súas dimensións son de 20 x 28 cm e as súas corenta páxinas son de papel de boa calidade, con certificado FSC Mixto, o que garante a súa procedencia dos bosques xestionados de maneira sostible. A trama xira ao redor dunha nena chamada Allumete quen non ten familia nin fogar e vaga polas rúas intentando vender mistos no medio do desprezo das persoas. Un día de inverno, a nena derrumbouse no chan famenta, sen refuxio e sen apenas forzas, pedindo o desexo de vivir un pouco máis para saborear algún día os pequenos praceres dos que foi privada ao longo da súa vida. Nese momento caeu un raio e comezou unha tormenta, da que se desprendía todo aquilo que algún día desexou, ao mesmo tempo que é castigado todo aquel que a maltratara. Eran tantas as cousas recibidas que, en lugar de quedar con elas, comezou a regalarllas aos máis necesitados, coa axuda das persoas arrepentidas do trato que un día mostraron cara a ela e cara ao mundo. Deste xeito comezaron a aparecer voluntarios que axudaban a nena na súa misión e a xente facía múltiples e constantes doazóns. Finalmente Allumete creou a Fundación Luz del Mundo. Esta obra foi merecente do Premio Hans Christian Andersen de 1998 e foi Libro Destacado polo Ministerio de Educación de Francia.

Potencialidades educativas. Neste conto faise unha profunda crítica á sociedade co retrato da agresividade, a avaricia, o elitismo, a supremacía de poder e os excesos do materialismo. Tamén se destacan en positivo a xustiza, a xenerosidade e a solidariedade. Con isto, os nenos e nenas poderán valorar o que teñen, respectar a diversidade e entender a importancia de axudar e colaborar uns con outros. A diferenza do clásico A vendedora de mistos, este conto infunde esperanza no futuro da humanidade.
Recursos de interese.
Explicación do libro a través de vídeo explicativo en inglés.
Corto sobre o conto adaptado para ver con gafas de realidade virtual
https://www.youtube.com/watch?v=j7QnhncSzPA

Etiquetas.
álbum ilustrado, colaboración, cooperación, crítica social, discriminación, diversidade, pobreza, solidaridade, xustiza, xenerosidade.
Autoría.
As escolmadoras (Melany Alonso, Sofía Bértolo, Carla Cabaleiro)

miércoles, 28 de marzo de 2018

¿ A qué sabe la luna?

Grejniec, Michael. ¿A qué sabe la luna?,trad. Carmen Barreiro. 1º edición, Pontevedra: Kalandraka
Editora, col. libros para soñar, 1999. [28 pp.]. (ISBN:  978-84-9512-361-9).

Breve descripción del formato y del contenido. En este álbum ilustrado se cuenta la historia de una tortuga que quiere averiguar a qué sabe la luna. Gracias a la ayuda de todos sus amigos, que se van poniendo unos encima de otros, hacen una gran escalera para poder llegar a ella y probarla. Esta obra nos muestra cómo podemos lograr, con la ayuda de los amigos, las metas que nos propongamos, por muy imposibles que parezcan. En su cubierta aparece la foto de una luna llena con cara alegre y apariencia inalcanzable, que, como también avanza el título y las guardas de color azul claro, es el eje alrededor del cual gira la historia. Sus ilustraciones diáfanas y de gran seducción aparecen sobre un fondo negro y recogen lo fundamental de un texto que está elaborado sobre estructuras sintácticas repetitivas. Una reiteración debida a la sucesión de una misma acción por parte de los animales protagonistas, lo que facilita el seguimiento de la historia por parte del lectorado más pequeño. Esta obra está traducida a múltiples lenguas, como es el caso del gallego, además de contar con una adaptación para los niños y niñas con TEA (versión de B.A.T.A. ), ya que en sus páginas la letra está acompañada por pictogramas para facilitar la lectura y comprensión.

Potencialidades educativas. Gracias a esta propuesta literaria podemos trabajar valores como la amistad, la colaboración, la constancia, la empatía y la solidaridad. Además permite insistir en la importancia de compartir experiencias y logros con nuestras amistades. Como en ella aparecen distintos animales, también puede ser un buen instrumento para diferenciarlos, apreciar sus características...

Recursos de interés.
Actividades sobre el cuento:

Representación del cuento en sombras chinas:

Yoga:

Canción “A qué sabe la luna”:

Autoría. Amorosiñas ( T. Alfaya, R. Castro y P. Collazo).