¡A LAVARSE LOS DIENTES!

Geis, Patricia, ¡A lavarse los dientes!, Barcelona: Combel Editorial (máis de 2 anos), 2010 , [14 pp.], (ISBN: 978-84-9825-571-3).

Descrición do contido textual e visual: É un álbum ilustrado de formato rectangular e de tapas duras. Na cuberta podemos observar unha nena ensinando os dentes dunha forma moi exaxerada, un cepillo de dentes e un vaso de auga, utensilios indispensables para unha boa hixiene bucal. As ilustración resaltan polo emprego de cores vivas que chaman a atención dos máis pequenos. Con esta historia, que asenta na modalidade formal do pop-up, faise referencia ao coidado e limpeza dos dentes. Intenta involucrar os nenos/as na busca de determinados elementos entre os debuxos, levantando solapas ou movendo lingüetas que forman parte do conto. É un álbum interactivo moi útil para o alumnado de educación infantil.

Potencialidades educativas da obra para educación infantil: O obxectivo principal é promover a boa hixiene bucal. É moi importante a interacción do neno/a co conto, xa que lles produce curiosidade polo papel que asumen na manipulación dos dispositivos que ofrece a obra. Grazas a este álbum podemos ensinarlles, dunha forma divertida, a lavarse os dentes.

Autoría: Scrups (Ángela López Ferradás, Miriam Rodríguez Martínez, Valeria Vázquez Martiñán, Laura Veiga Darriba)

La siesta

Nanclares, Silvia, La siesta, ilust. Equipo Elático, Madrid: Editorial Kókinos, 2000, [40 pp.] (ISBN: 84-88342-23-3)

Descrición do contido textual e visual: Esta fermosa historia conta o momento no que un neno toma a sesta coa súa nai e recóllese no formato dun álbum ilustrado de tapas duras. Na súa cuberta aparece o protagonista durmindo sobre o peito da nai e o seu adorado xoguete, baixo unha gama cromática de cores cálidas. Na contracuberta, pola contra, non aparece ningunha imaxe e tan só destaca o código de barras e o ISBN baixo un fondo azul claro. As ilustracións son imaxes realistas como o cabelo da nai ou as persianas a medio pechar, que mostran os diferentes pasos que se teñen que facer para realizar correctamente a sesta. A sucesión de ilustracións acompáñanse dun corpo textual que se asenta en frases moi breves e mantedora dos contidos esenciais para regalarnos esta historia tan tenra e íntima, logrando unha maridaxe icónica e verbal que facilita a comprensión. O texto e as ilustracións altérnanse de dereita a esquerda e viceversa ao longo da obra.

Potencialidades de la obra para educación infantil: A maioría dos nenos e nenas de educación infantil toman cada día a sesta. Grazas á lectura desta obra, tanto eles/as como os seus familiares poderán facerse conscientes da importancia que ten esta, tanto para realizar un correcto descanso como para favorecer o vínculo de afecto cos seres queridos.

Autoras: SQRUPS (Ángela López Ferradás, Miriam Rodríguez Martínez, Valeria Vázquez Martiñán, Laura Veiga Darriba).