Mostrando entradas con la etiqueta Natureza. Mostrar todas las entradas
Mostrando entradas con la etiqueta Natureza. Mostrar todas las entradas

lunes, 30 de abril de 2018

A árbore xenerosa

Silverstein, Shel, A árbore xenerosa, trad. Chema Heras, Pontevedra: Kalandraka Editora, col. “MareMar”, 2015, [64pp]. (ISBN: 978-84-8464-962-5).

Breve descrición do formato e do contido. Esta obra foi publicada por primeira vez no ano 1964, co seu nome orixinal The giving tree, aínda que a nosa ficha técnica está baseada na edición de Kalandraka. Este álbum narrativo de tapa dura, conta a historia da amizade entre unha maceira e un neno. Nela podemos observar como durante a infancia do rapaz, pasan moito tempo xuntos e se divirten. A medida que pasan os anos, o neno xa non é tan neno, as súas prioridades cambian e deixa de ver a árbore. Neste tempo, a árbore está moito soa e, cando ve ao neno despois dun longo período, fai o posible para facelo feliz. Esta axúdao de maneira desinteresada, a diferenza do neno, que ía vela para recibir algo a cambio. O neno no final da súa vida, dáse conta de que as cousas  materiais non van estar nos últimos momentos da vida, pero si van a estar os amigos. A cuberta da obra é moi colorida e chama a atención, xa que ten uns tons verdes de cor intensa. Nela aparece unha árbore dándolle una mazá a un neno, ademais de estar o título, o autor e a editorial. A continuación, todas as páxinas que van aparecer van a ter os debuxos totalmente en branco. As ilustracións que aparecen na obra son moi sinxelas con formas simples, pois os seus debuxos están feitos unicamente con tinta negra e en toda historia só aparece a árbore e o neno. Nas imaxes pódese apreciar o paso do tempo tanto na árbore como no neno así como a súa relación. A letra é escasa, xa que na maioría do libro só hai unha pequena frase en cada páxina, acompañada dunha imaxe.

Potencialidades educativas. A principal potencialidade desta obra radica nas posibilidades que ofrece para abordar diferentes aspectos relacionados coa amizade. Así mesmo, permítenos achegarnos á relación do ser humano coa natureza, xa que debemos ensinar todo o que nos ofrece e coidala, ademais de insistir en que ter moitos elementos materias non nos fai ser máis felices e non van estar aí para sempre. Pola contra, cos bos amigos podemos contar sempre. Finalmente, posibilita tratar as etapas da vida (infancia, adolescencia, idade adulta e vellez) e o paso do tempo, tanto nas árbores como nas persoas.


Recursos de interese:
Conto:

Había unha vez unha árbore...en Pontevedra:


Autoría:  Amorosiñas (T. Alfaya, R. Castro e P. Collazo).

sábado, 14 de abril de 2018

¿Queda sitio para mí?



Koopmans, Loek, ¿Queda sitio para mí?, ilustr. Loek Koopmans, trad. Luis Ogg, Barcelona: Editorial I.N.H. Ivette Nogueira García, col. “Cuentos para crecer. Cuentos para la vida”, 1996, [28 pp.], (ISBN 978-84-94437-91-5).

Breve descrición do formato e do contido. É este un álbum ilustrado do autor e ilustrador holandés Loek Koopmans, que foi galardoado en varias ocasións pola Asociación de Ilustradores holandesa e seleccionado para a Exposición Anual de Ilustradores en Bolonia na Feira do Libro Infantil. O volume presenta unha cuberta e contracuberta con encadernación de cartoné, cunha paisaxe de cores moi suaves e con personaxes ilustrados con tinturas máis cálidas. Trátase dun fermoso conto popular ucraniano que foi adaptado para o lectorado infantil, polo que se asenta en estruturas repetitivas e fáciles de comprender. A historia está ambientada nun bosque durante o inverno, no que o frío nos invita a recollernos na casa e estar en familia. Seis animaliños do bosque conseguen encontrar un divertido e curioso fogar onde refuxiarse do frío. Todo se inicia cando un leñador e mais o seu can ían polo bosque. Unha das manoplas que levaba para gorecerse caeu ao chan. Pouco a pouco, fóronse achegando a ela varios animais: un rato, unha ra, unha lebre, un raposo, un xabaril e un oso pardo. Todos teñen interese por quedar co guante, polo que cada animal novo que chega pregunta se queda sitio para el. Cando o can foi na súa procura, viu que había inquilinos nela e comezou a ladrar máis forte.

Potencialidades educativas. Álbum ilustrado que favorece o traballo de certas competencias lingüísticas e actividades didáctico/lúdicas. Pode introducirse para aproximarse ás estacións do ano (inverno), así como a acción cíclica dos animais permite anticiparse mentalmente á mención do seguinte animal dunha maneira lúdica. Este xogo de reiteracións facilita a memorización do texto e aséntase en esquemas que contribúen a introducir a creatividade por parte do alumnado, xa que pode facer medrar a historia. A amizade e a amizade tamén son abordadas desde esta tenra historia recomendada para os máis cativos.

Recursos de interese.

Traballo Fin de Grao: 

Guías de libros con temática do inverno: 


Representación teatral do conto por “Tercero Izquierdo Teatro e Cia”: 


Vídeo de recomendación do libro: 


Videoconto do libro: 


Etiquetas. Cooperación, Compañerismo, Xenerosidade, Amizade, Solidariedade, Estacións do ano, Tempo atmosférico, Natureza, Refuxio, Fogar.

Autoría. Xoubiñas (Nuria Mª Serodio Pérez, Sara Vázquez Montes, Cristina Vidal García).

jueves, 5 de abril de 2018

A horta de Simón


Alejandro, Rocío. A horta de Simón, Trad. Manuela Rodríguez, Pontevedra: Kalandraka, 2014 [44 pp.] (ISBN 978-84-8464-348-7)

Breve descrición do formato e contido este álbum literaria presentada baixo un formato cadrado e unha encadernación de tapa dura, a historia de Simón, un coello que non era moi simpático. Este tiña unha horta na que sempre cultivaba zanahorias, pero un día os seus veciños (o rato, a galiña, o porquiño etc.) suxeríronlle novos cultivos e o final a horta converteuse na HORTA DE TODOS.
A historia é contada por un narrador en terceira persoa anque tamén aparecen frecuentemente diálogos entre os personaxes que van aparecendo ao longo da historia. Dende o primeiro momento só se mostra o personaxe de Simón pero a medida que van avanzando as paxinas van aparecendo novos personaxes e tamén se pode observar como vai surxindo un xogo de composición da horta de Simón mediante un collage moi agradable. Respecto as imaxes que se mostran son moi sinxelas a través das cales os nenos poden percibir unha sensación de tranquilidade a hora de realizar eles mesmos os debuxos. Por último, destacar que esta obra recibiu o X premio Internacional Compostela para Álbums Ilustrados do 2017.

Potencialidades educativas con esta historia pódese traballar a natureza, a través da época de cultivo coa chegada da primavera. Todo isto a través dun traballo colectivo e en harmonía que terminara cunha amizade.

Recursos de interese
Contacontos:

Autoras: PUMA (Uxía Lojo Pouso, Andrea Martinez Costas, Paula Moares Piñeiro, Alba Nieto da Costa, Montserrat Santibáñez Varela)

domingo, 25 de marzo de 2018

Un amigo como tú


Schomburg, Andrea, Un amigo como tú, ilustr. Sean Julian. Barcelona: Beascoa Editora, 2017. [32 pp], (ISBN: 978-84-488-4727-2)





Breve descrición do formato e do contido. Un amigo como tú é unha historia sobre un esquío e un paxaro que se coñecen, e rapidamente fanse amigos. Pouco a pouco, vanse decatando das grandes diferenzas que hai entre eles, como por exemplo, que o paxaro non pode trepar as árbores ou que tampouco come landras, pero iso non impide que sexan amigos.


A obra conta cunha estrutura tradicional (presentación, nó e desenlace), protagonizada polas dúas personaxes. A historia é contada por un narrador e tamén aparecen frecuentemente diálogos entre as personaxes.


As ilustracións céntranse nos dous protagonistas, que son representados dun xeito tenro grazas as cores cálidas que se empregan. Transcorre nun entorno natural, predominando as cores cálidas como o amarelo, o laranxa ou o marrón. Estas cores transmítenos a estación na que transcorre a historia, xa que estas son as cores que predominan no outono. Cara o final do libro, cando se fai de noite, o fondo é escuro, excepto a lúa e as personaxes. Xoga coas distintas luces que hai ao longo do día, amosando o paso das horas.


Potencialidades educativas. Ademais de traballar a amizade, pódense traballar temas como a solidariedade, os animais que viven no bosque, as estacións do ano, as diferenzas que existen entre cada un de nós, como lles sucede aos protagonistas da historia, as habilidades que ten cada un e o respecto cara os demais.


Recursos de interese. Esta obra foi publicada en 2017, polo que aínda non existen recursos para traballar na aula con este libro.


Grupo: Cabaciñas (Laura Domínguez Álvarez, Tania García Pereira, Janira Gil Lago, Noelia Gontad Saavedra, Emma Juncal Paredes)