Mostrando entradas con la etiqueta Guerra. Mostrar todas las entradas
Mostrando entradas con la etiqueta Guerra. Mostrar todas las entradas
sábado, 7 de abril de 2018
A historia de Erika
Vander Zee Ruth; A historia de Erika, Innocenti Roberto (ilust.); Pontevedra: Kalandraka,
2004, [32 pp.], ISBN: 84-8464-520-7
Breve descrición do formato e contido:
Álbum ilustrado con encadernación en cartoné onde destaca principalmente un troquelado
con forma de estrela de seis puntas de cor amarela que simboliza ó Xudaísmo.
O álbum narra a historia de Erika, unha supervivente do Holocausto, que conta, de
maneira aterradora os seus recordos.
As ilustracións, fortemente realistas, acompáñanse cun texto moi duro que describe a
situación. As imaxes son hiperrealistas, que semellan fotogramas dun filme. Os
elementos de cor mostran, o elemento distintivo dos xudeus (a estrela) como a
esperanza.
O papel é satinado con portada en anteportada rugosa e de unha cor diferenciada do
resto do álbum. Chama a atención o uso deste tipo de papel no libro.
Potencialidades Educativas:
Con este álbum acercamos o tema da guerra e do odio intercultural ós máis cativos,
inculcando valores de respecto cara outras culturas.
Traballando con este álbum podemos evitar que a historia volva repetirse. Ademais,
desta forma podemos acercarlles tamén o tema dos refuxiados, un tema moi actual.
Recursos de interese:
En Youtube podemos atopar un vídeo onde se narra a historia:
https://www.youtube.com/watch?v=8Ih6yBZDqJI
Ademais tamén atopamos un booktrailer realizado pola Editorial que publicou a obra:
https://www.youtube.com/watch?v=8Ih6yBZDqJI
Por último tamén atopamos neste canal un vídeo onde a directora da Biblioteca de
Cambrils fala sobre a obra:
https://www.youtube.com/watch?v=vjqblPb5b8o
Etiquetas: Álbum Ilustrado, tabú, morte, guerra, Ruth Vandeer Zer, Kalandraka
Autoría: As vangardas (Samantha Mulloni, Cristina Martínez Piñeiro, Raquel Órdoñez,
Luis Lois Carro)
jueves, 5 de abril de 2018
A guerra dos Números
Darién, Juan. A guerra dos Números, Trad. Marisa
Núñez, Pontevedra: OQO editora: Colección O, 2009 [53 pp.] (ISBN
978-84-9871-154-7)
Mediante esta recreación
ficticia, estase a elaborar unha metáfora coa que se evidencia a equivocación
na que están instaladas aquelas persoas desconfíante de todo aquilo que se
presenta como diverxente. Pola contra, lánzase unha mensaxe da riqueza que
implican a pluralidade e a variedade. A colaxe dixital é a técnica empregada
para configurar as ilustracións deste texto de inspiración bélica, no que as
imaxes e as fortes cores empregadas evocan, desde unha perspectiva infantil,
diferentes escenas e figuras propias de episodios de confrontación. Por último,
destacar que esta obra defensora da paz e da liberdade recibiu o premio de
ilustración da Fundación Cultural “CJ Picture Book Awards” do 2008.
Potencialidades educativas. Esta
historia ofrece un texto extraordinario para tratar os motivos e as
consecuencias das guerras, ademais de acoller unha mensaxe de enaltecemento da
diferenza e da paz por medio dunha proposta textual e icónica de carácter
metafórico. Tamén se pode utilizar como un instrumento didáctico apropiado para
introducirse nos códigos matemáticos, fundamentalmente, na operación da resta.
Toda esta aprendizaxe conseguirase a través da mediación que supón a linguaxe
narrativa na adquisición de conceptos abstractos.
Recursos de interese
Curtametraxe:
Autoras: PUMA (Uxía Lojo
Pouso, Andrea Martinez Costas, Paula Moares Piñeiro, Alba Nieto da Costa,
Montserrat Santibáñez Varela)
Suscribirse a:
Entradas (Atom)

