QUEBRACABEZAS

Bianki, D., QUEBRACABEZAS, Pontevedra: Kalandraka, 2016, [56 pp.], (ISBN: 978-84-8464-996-0).

  

Descrición do formato e o contido. Este libro de tapa dura e encadernado en cartoné resalta especialmente pola súa cuberta e mais polo seu deseño de gran orixinalidade. Presenta a temática da existencia de diversas identidades que se relacionan entre si onde non hai cabida para a discriminación e a exclusión. Nesta proposta lúdica, o autor, mestre de debuxo e deseñador, pon énfase nas ilustracións realizadas a partir de caixas de cartón reutilizadas, pintadas e encaixadas imitando a un quebracabezas e por tanto creando un impacto visual extraordinario. Se pretende xogar co lectorado invitándoo a experimentar e a elaborar identidades ilimitadas creando tantas combinacións coma sexa posible. Cada palabra do texto vai en letra minúscula e sitúase nunha caixa cunha cor determinada facendo aínda más atractiva a historia. Desta forma, queda reflexado a variedade de formas, tamaños e cores que pode haber semellando á súa vez a disparidade de persoas coas que coexistimos. Na parte central, atopamos un xigantesco despregabre que agocha unha mensaxe clara e concisa relativa a inclusión e, xa cara o final do libro proponse unha actividade de reciclaxe (de escarvadentes, mistos, pasta dental, lámpadas, té...) seguindo paso a paso a recomendación de poder crear infinitos debuxos a partir de caixas recicladas.

É conveniente resaltar, entre outros, a mención recibida polo autor na Feira do Libro Infantil e Xuvenil de Boloña 2015 (discapacidade).

 

Potencialidades educativas. Recorda que todos formamos parte do mundo e, a pesar das diferenzas de cada persoa (costumes, ideas, aparencias...), o esencial nos une neste gran quebracabezas infinito. Todos somos diferentes é ao mesmo tempo parecidos.

Recursos de interese.

Entrevista co autor: http://www.unperiodistaenelbolsillo.com/diego-bianki-rompecabezas/

Actividades: http://loslibrosdeclaudia.com.ar/blog/noticias/el-arte-desarma-tu-cabeza

Etiquetas: diversidade, colectividade, inclusión, reciclaxe.

Autoría: Prímulas (Sonia Álvarez García, Mónica Planet Márquez).