Mckee, David, Elmer, trad. Montserrat Paz, Vigo: Edicións Xerais de Galicia D.L, col. Pequeño Merlín, 1995, [32 pp.]. (ISBN: 978-84-8302-149-1)
Breve
descrición do formato e contido. Na
cuberta rechamante deste álbum aparece no centro o protagonista principal, o
elefante Elmer. Dende esta primeira imaxe tan chea de cor xa se caracteriza por
ser un elefante coa pel de moitas cores chamando poderosamente a atención dos
máis pequenos. Ademais esta diferenza de cores transmítenos a cada un de nos as
diferenzas como algo bonito e positivo. As diferentes ilustracións chamativas
utilizadas con cores alegres e formas entretidas, despertan a curiosidade dos
nenos e nenas facendo desenvolver así a súa imaxinación. Trátase dunha obra
lineal xa que comeza contando quen é o protagonista, como se sente,
características etc. E a continuación lévase a cabo o desenvolvemento da
historia, sendo a conclusión final a última parte. Esta estrutura, a linguaxe,
as metáforas e os diálogos favorecen o seguimento da obra aos máis pequenos.
No referente ao contido, trátase dun elefante coa pel
de diferentes cores o que lle fai sentirse diferente ao resto. Elmer é moi
divertido e os seus compañeiros ríanse con el, sen embargo, Elmer pensa que se
rin del por ser diferente, polo que un día decide marchar. Elmer atopou unha árbore
con froitos semellantes a cor gris dun elefante, polo que decide fretarse
contra eles para así non ser diferente ao resto. Sen embargo, cando chega a
xunto dos seus compañeiros comproba que todos están serios e aburridos. Elmer
consegue facelos rir de novo, mentres que a choiva fai que Elmer volva a ser da
mesma cor ca antes.
Potencialidades da
obra. Neste
álbum podemos atopar unha gran cantidade de potencialidades, como pode ser
ensinar a diversidade dende algo positivo, e traballar en valores fundamentais
como son a aceptación de cada un de nos, para a creación dun mesmo como persoa.
Ademais tamén atopamos a importancia da amizade, todos os animais son
diferentes pero todos se respectan e aceptan por ser como son.
Axuda a comprender que todos e todas
temos cousas en común e cousas diferentes, pero cada un de nos é especial por
ser quen é.
Recursos
de interese.
Conto en galego.
Canción do conto.
Etiquetas. Álbum ilustrado, discapacidade, David Mckee, Elmer e Supermaestras.
Autoría. Supermaestras (Carolina Lloret González, Marta Pérez Solla, Alejandra
Rodríguez Cavallé, Malena Sánchez Gándara, e Laura Vázquez Ramil)
No hay comentarios:
Publicar un comentario