Mostrando entradas con la etiqueta Traballo cooperativo. Mostrar todas las entradas
Mostrando entradas con la etiqueta Traballo cooperativo. Mostrar todas las entradas

martes, 24 de abril de 2018

O coelliño branco


Ballesteros, Xosé, O coelliño branco, ilust. Óscar Villán, Pontevedra: Kalandraka, 2006, [32 pp.], (ISBN: 978-84-8464-548-1).

Breve descrición do formato e contido. Este álbum ilustrado, de tapas duras e de tamaño 22 x 22 cm, preséntanos na cuberta o protagonista, un coello branco, nun fondo completamente rosa que se prolonga durante toda a obra. Este conto é unha adaptación dun conto popular portugués e conta con varios premios. Entre eles desataca o Premio Nacional de Ilustración 1999. 
A súa historia xira ao redor dun coelliño branco que sae a buscar coles á horta para facer un caldo, pero cando regresa atópase que a cabra cabrexa se mete dentro da súa casa. Así o coelliño busca axuda de diferentes animais para recuperar o seu fogar. Finalmente alguén o axuda a recuperar e comen o caldiño xuntos. Trátase dun texto marcado por unha sonoridade e unha rima que veñen dadas pola repetición de feitos e esquemas sintácticos, nos que se insire toda unha serie de xogos léxicos cargados de humor. As ilustracións coloridas tamén xogan coas formas e as expresións dos animais protagonistas, o que acentúa aínda máis o aspecto lúdico e gracioso dun dos álbums máis coñecidos da literatura infantil galega.

Potencialidades educativas. Esta obra permite levar á aula a aprendizaxe de varios valores como son a valentía ao enfrontarse aos medos e a importancia da axuda e a amizade, que se reflicten a partir da relación establecida entre o protagonista e quen lle axuda a recuperar o seu fogar. Podemos traballar con este álbum ilustrado dende os tres anos de idade.

Recursos de interese.

Vídeoconto realizado por alumnos e alumnas de 5 anos do Colexio das Gándaras de Lugo:

Actividades:

Etiquetas. Cooperación, valentía, amizade, medo, xenerosidade, axuda.

Autoría. Xoubiñas (Nuria María Serodio Pérez, Sara Vázquez Montes e Cristina Vidal García)

sábado, 7 de abril de 2018

As pousadeiras do rei




Saíz Raquel; As pousadeiras do rei, Daviddi Evelyn, Pontevedra: OQO Editora, 2007,
[36 pp.] ISBN: 978-84-96788-93-0


Breve descrición do formato e contido:

Álbum ilustrado de forma cadrada en encadernación en cartoné que narra con gran sentido
do humor un día na vida do rei no que deixa de lado as súas tarefas por atender outras
“máis persoais”.
É un conto de lectura moi sinxela, con grandes ilustracións que guían e dan forza á
historia. Conflúe un narrador en terceira persoa coas voces dos protagonistas en
primeira persoa por medio dun diálogo.

Potencialidades educativas:

Desmitifica a figura dun rei e pono á mesma altura dos demais (por ser rei non deixa de
pasarlle ás mesmas cousas co resto dos mortais). Potencia a autoestima e o traballo en
equipo mostrando que se traballas de forma cooperativa todo ten solución. Tamén axuda
á valoración dun mesmo, xa que, independentemente das características físicas que se
teñan, pódese chegar onde queiramos.

Recursos de interese:

En Youtube atopamos diversas versións realizadas na aula sobre a obra:

https://www.youtube.com/watch?v=faQYHMEG1v4
https://www.youtube.com/watch?v=BnQ_qSY6TF0
https://www.youtube.com/watch?v=3l8CsCam3bw&feature=share

Etiquetas: álbum ilustrado, traballo cooperativo, Tema tabú, Raquel Saiz, OQO Editora

Autoría: As vangardas (Samantha Mulloni, Cristina Martínez Piñeiro, Raquel Órdoñez,
Luis Lois Carro)