Mostrando entradas con la etiqueta Resiliencia. Mostrar todas las entradas
Mostrando entradas con la etiqueta Resiliencia. Mostrar todas las entradas

sábado, 31 de marzo de 2018

Vacío

Llenas, Anna, Vacío, Albolote (Granada): Barbara Fiore Editora, 2015, [84 pp.] (ISBN: 978-84-15208-72-3).







Breve descrición do formato e contido. Este álbum ilustrado preséntase nun volume de 23 x 27’5 cm nunha edición en cartoné. Na cuberta xa se evidencia a técnica que caracteriza a proposta ilustrativa de Vacío, que se define pola mestura de cartón, lapis, papel e cores. Nela aparece a imaxe da protagonista, Julia, cun círculo baleiro sobre un fondo de cartón e na parte inferior rexístrase o título en letras grandes e brancas e o nome da autora en cor negra. Desde unha voz narrativa en terceira persoa, desvélase a historia de Julia marcada pola superación e a resiliencia ante unha situación de perda. A nena sente un baleiro inmenso que non é capaz de tapar nin de encher, ata que un día abandona todo o exterior e se centra en todo o que lle proporciona o seu interior (colores, melodías etc.). Pouco a pouco, ese oco vaise facendo máis pequeno, aínda que non chega a cerrarse por completo, porque as perdas tamén marcan. As ilustracións interiores teñen efecto de volume ao estaren os materiais en superposicións, salientando a variación de cores que muda co transcorrer dos feitos narrados. 


Potencialidades educativas. Este álbum ilustrado sérvenos para traballar nunha aula como mestras e mestres, e tamén para traballar na casa. Axúdanos a abordar o tratamento desas situacións onde os máis pequenos e as máis pequenas non saben como afrontar a perda de alguén ou de algo, sentindo por dentro un gran baleiro e tristeza. Aproxímase á capacidade para sobreporse á adversidade e atoparlle sentido á vida canalizando os sentimentos ou emocións.


Recursos de interese.
Recursos propios da autora:

Vídeo da autora; como rematará a historia, atopará Julia o seu tapón?: https://m.youtube.com/watch?v=bBVF3iZsyL4

Blog dunha nai que conta que fixo ela na súa casa con este conto: http://www.clubpequeslectores.com/2015/12/libro-infantil-vacio-anna-llenas.html


Autoría. Grupo Baleiras. (Irina Svetlana Bello González, Alessandra Bispo Portas, Judit Cerviño Malvido e Xiomara Laranxeiro Casás).