Cuentos como pulgas

Osés, Beatriz, Cuentos como pulgas, ilust. Miguel Ángel Diez, Sevilla: Editorial Kalandraka, 2013. [45pp], (ISBN 978-84-92608-74-4 )

Breve descripción do formato e contido. O libro que nos encontramos a continuación está composto de 32 micro-relatos, curtos pero moi densos. Estes micro-relatos de animais está cheo de maxia, ilusión, cariño e sobre todo dunha gran imaxinación para que o posible lector poida soñar mentras lee. A temática principal do libro é a fantasía e vanse distribuir en 4 grupos: contos de auga, contos de ceo, contos de terra e contos de noite.

As ilustracións de Miguel Ángel Díez axudan a que o lector se envolva dentro de cada relato e incremente a súa imaxinación. As ilustracións están cheas de cores moi alegres e vivos e as imaxes cheas de texturas.

Potencialidades educativas. Este conto ten unhas potencialidades educativas moi amplas xa que se poden tratar amplitude de temas. É un libro perfecto para potenciar a imaxinación e a creatividade dos nenos e nenas. Axudan a que os alumnos vexan todos dende outra perspectiva, alexadas do que é o habitual. Potencia o pensamento aberto e crítico.

Recursos de interés.

• https://es.scribd.com/document/83896397/Oses-Beatriz-Cuentos-como-pulgas
  (Conto online)
• https://losfundamentales.com/2014/10/16/cuentos-como-pulgas-beatriz-oses-kalandraka-ediciones-andalucia-recomendado-8-10-anos/ (blog)
• https://biblioabrazo.wordpress.com/2013/08/23/cuentos-como-pulgas-beatriz-oses/ (blog)

Autoría: Patricia A. Gerosa Moretti

Los viajes de Gustavo

Lorenzo Carbayo, Pilar. Los viajes de Gustavo. Ilust. Francesc Robira, col. “premio destino infantil apel les me”, Medrid: Editorial Planeta. 2013, [32pp] (ISBN 9788408037378).

Breve descripción do formato e contido. A obra que nos encontramos a continuación é perfecta para nenos e nenas de 5 a 8 anos. É un relato poético que xoga coa maxia das palabras. Este libro escrito por Pilar Lorenzo gañou o Premio Destino Infantil Apel les Mestres no ano 2012. A obra intenta que os mais pequenos utilicen a súa imaxinación e así poidan descubrir o mundo dunha forma diferente. Durante a lectura os nenos poderán aprender a través de experiencias dos diferentes persoaxes aínda que estes estén moi lonxe. É unha obra perfecta que invita á fantasía dos mais pequenos.

As ilustracións realizadas por Francesc Robira acompañan continuamente o argumento da obra. Xa que axudan a incrementar a imaxinación dos nenos e das nenas.

Potencialidades educativas. O tema principal desta obra é a imaxinación dos mais pequenos. Con obras así o que se busca é que o neno ou nena esté completamente enganchado e sea el o que lle da os pequenos cambios á obra. É perfecto para traballar a imaxinación, a lectura ou incluso os viaxes e percorridos que fai Gustavo.

Recursos de interés.

https://www.conmishijos.com/libros-y-cuentos/6-7-anos/los-viajes-de-gustavo-libro-para-ninos/ (blog)

http://www.antena3.com/noticias/cultura/viajes-gustavo-premio-destino-infantil_201302195748ba514beb28888064dcde.html (noticias)

Autoría: Patricia A. Gerosa Moretti

Los miedos del capitán Cacurcias

Andrés, José Carlos, Los miedos del capitán Cacurcias, ilust. Sonja Wimmer, Madrid: NubeOcho, col. “Somos 8”, 2015, [40 pp.], (ISBN: 978-84-943691-2-4).

Breve descrición do formato e contido. Álbum ilustrado de tapas duras que acolle unha historia na que os medos toman posesión do capitán Carcurcias. Un narrador en terceira persoa preséntanos a este capitán, un pirata que, de repente, se converte nun home con moitos medos. Os seus tripulantes buscan solucións para sacarlle os medos. Malia que, nun inicio, teñen unha idea que non parece moi boa, ao final parece que dá resultado para afastar os seus temores. Desde esta focalización de carácter subversivo, ofrécese, xa que logo, unha visión ben distinta do universo da piratería, que se acostumou caracterizar pola presenza de homes malvados e terribles. Pero... Os piratas tamén teñen medo! Esta historia de aprendizaxe recolle na cuberta o protagonista da nosa historia, que na súa cara xa reflicte ese medo que o fai diferente. A imaxe da cuberta ten continuidade na da contracuberta co fondo do mar. Nas cubertas atopamos ollos azuis que semellan as burbullas que podemos atopar no mar. Utiliza cores frías e medoñentas nas páxinas nas que o medo toma posesión do capitán. A ilustradora xoga co poder utilizando a técnica do contrapicado, na que o plano está visto dende o chan cara a arriba. Os tons rechamantes que se atopan axudan a contar a historia, xa que as cores van cambiando segundo a situación na que se atopa o capitán. A grande imaxinación das nenas e nenos fai que nalgunhas ocasións teñan medo de algo que non existe. A colocación do texto axuda a seguir a historia tamén por medio da ilustración. O propio nome do capitán resulta ser un nome curioso para á infancia, xa que evoca á escatoloxía e apártase dos nomes feroces que adoitan ter estes personaxes tan deshumanizados nos contos infantís máis tradicionais.

Potencialidades educativas. Esta proposta narrativa permítenos abordar, dun xeito ameno e lúdico, o tema do medo en xeral, a partir das experiencias do capitán Cacurcias. Así mesmo, é unha obra que se presta para ser representada por medio de monicreques ou dramatizada mediante un contacontos. Sen dúbida, é unha delicia literaria-visual para romper cos estereotipos marcados e mostrar como todos podemos albergar fortalezas, pero tamén debilidades que debemos saber superar.

Recursos de interese.

Conto:

https://www.youtube.com/watch?v=VXz9IEDlPj0

Contacontos:

https://www.youtube.com/watch?v=6crD_Hf_6b0

Dramatización do conto desde unha perspectiva cómica:

https://www.youtube.com/watch?v=Hu4l57cTcZw

Autoría. Contistas (A. Martínez (P), A. Ramiro, N. Reyes, B. Sierra).

Coas mans baleiras

Tortosa, Ana, Coas mans baleiras, ilustr. Cecilia Varela, trad. Laura Rubio, Pontevedra: OQO editora, col. O, 2010,[36pp.], ISBN: 978-84-9871-236-0.

Breve descrición do formato e contido. Álbum ilustrado de tapas duras, que inclúe na súa cuberta un fondo de cor azul. Sobre el aparece o deseño dunha nena acompañada de suxestivos elementos mariños: un temón, un peixe, e os tentáculos dun suposto polbo. Nel recóllese o nome da autora e da ilustradora. A figura da nena está trazada con formas redondeadas e viste roupas características do ámbito mariño, como son unha camisa branca, un pantalón de raias e uns tenis azuis. O carácter alegre da nena tamén se recolle na disposición e forma das grafías do propio título, que contrasta co seu significado: Coas mans baleiras. A contracuberta segue recollendo o mesmo ceo azul, ademais dun tentáculo sobre o que está un gato negro. A súa beira están dous peixes como se estivesen saltando.

As formas redondeadas e unha ampla paleta de cores pasteis danlle corpo á proposta ilustrativa das páxinas interiores, que amplifican o universo mariñeiro desta obra. Ao mesmo tempo que favorecen a comprensión do relato recollido no texto, introducen novos elementos que intensifican o carácter lúdico desta historia como é ese polbo que ocupa diferentes posicións e funcións. A partir da entrada dun narrador en terceira persoa a nena protagonista asume a voz que trasmite esta historia que recende a mar. Alba vai á casa do seu amigo Mario que está de aniversario. De camiño busca algún agasallo, pero dáse conta de que o seu amigo ten todo o que se lle ocorre. Polo que chega sen nada, ao que Mario lle responde que ela é o mellor agasallo.

A tipografía varia no seu tamaño en función da importancia que a autora dálle ás palabras.

Potencialidades de la obra para educación infantil: Este álbum serve para facer fincapé na importancia do cariño e a amizade e non tanto nas cousas materiais.

Autoras: SQRUPS (Ángela López Ferradás, Miriam Rodríguez Martínez, Valeria Vázquez Martiñán, Laura Veiga Darriba).