Cocorico

Nuñez, María, Cocorico, ilust. Helga Bansch, Pontevedra: OQO editora, 2006, [36 pp.], (ISBN: 84-96573-23-0).

Breve descrición do formato e contido. Álbum ilustrado de tapas duras que acolle a versión dun conto tradicional birmano. Na cuberta xógase coa presentación completa ou só parcial dos seus protagonistas, o que nos permite facer inferencias sobre a súa identidade que, como acabamos sabendo, corresponde a Cocorico, o protagonista da historia, o gato pelado e a súa nai. Nas gardas aparece todo o proceso dende que é un ovo ata que sae o pitiño Cocorico e, antes de comezar a historia, reaparece facendo malabarismos, cunha pelota, cuns cascos... En canto ao texto, o comezo da historia recóllese na parte esquerda do álbum, mentres que seguidamente se sitúa tamén na parte dereita. Hai momentos na historia nos que aparece o texto en negra, como querendo chamar a atención da información achegada, alterando tamén nalgúns intres o tamaño. Ademais en todo o álbum predomina a cor gris, aínda que na cuberta e na contracuberta aparece a cor roxa, xa que podemos intuír que algo podería pasar con ese rabo no que Cocorico se está fixando. O álbum conta a historia de Cocorico, un pitiño que lle pediu a súa nai que lle fixese un biscoito. Súa nai dille que necesitan ir buscar leña, entón Cocorico decídese ir buscala, aínda que súa nai advírteo de que teña coidado con Gato Pelado. Cocorico estaba recollendo leña cando de súpeto apareceu Gato Pelado que o quería comer. Para que isto non sucedese chegaron un acordo: Cocorico faría un biscoito e daríalle un anaco a Gato Pelado. Fixeron o biscoito e, sen darse conta, comérono enteiro. Apareceu Gato Pelado pola porta a buscar o seu anaco de biscoito. Do medo, Cocorico e a súa nai metéronse nunha ola de barro. O gato Pelado escoitou o pitiño e acercouse, cando de súpeto o pitiño espirrou tan forte que a ola saltou en mil anacos. Gato Pelado pensou que a casa se caía e escapou. Finalmente mamá galiña para celebralo fixo un biscoito, partírono en dúas partes e comérono.   

Potencialidades educativas. A través desta obra podemos traballar a importancía que supón compartir as cousas, como facer un biscoito, os perigos dos que temos que ter conta e coidado...

Recursos didácticos.

-          Blogs:

http://unproyectodemaestra.blogspot.com.es/2012/08/cocorico.html (con canción de Cocorico)

http://recreandomiaula.blogspot.com.es/2018/02/proyecto-oficios-visitamos-la.html

-          Conta contos:

https://www.youtube.com/watch?v=5E3lfKGD28w&t=38sç

Etiquetas. Álbum ilustrado, alimentación, saúde, compartir.

Autoría. Pulgariñas (Tatiana Vieitez Losada, Alicia Vidal Peneireiro, Cecilia Solla Vázquez e Ana Salgado Pazos).