Mostrando entradas con la etiqueta Linguaxe de signos. Mostrar todas las entradas
Mostrando entradas con la etiqueta Linguaxe de signos. Mostrar todas las entradas

sábado, 24 de marzo de 2018

Cosita linda

Browne, Anthony, Cosita linda, ilustr. Anthony Browne, España: S.L Fondo de Cultura Económica, 2014, [ 30 pp.], (ISBN: 978-968-16-8578-2)


Breve descrición do formato e do contido. O álbum ilustrado do que vos imos falar a continuación conta a historia dun gorila que vive nun zoo. Os seus coidadores ensináronlle a falar en linguaxe de signos para que sempre puidese ter todo o que quixese (sofás, xogos, televisión…) mais o gorila estaba moi triste. Un día, decidido, o gran gorila pediulles aos seus coidadores un amigo, porque se sentía moi so, pero non había ningún outro gorila nese mesmo zoo, polo que os traballadores decidiron que o seu amigo sería unha pequena gatiña chamada Linda. Dende ese mesmo instante fixéronse moi bos amigos, facían todo xuntos e eran moi felices, ata que de pronto, un día, mirando unha película, o gorila enfureceuse tanto que rompeu o televisor. Os coidadores do zoo preocupáronse e decidiron separar aos dous amigos, mais pasou algo que non esperaban. Linda e o gorila queríanse tanto que non podían imaxinar estar separados, polo que a gatiña, en linguaxe de signos, díxolles que fora ela quen o rompera, para poder, así, seguir estando co seu gran amigo.

Na imaxe exterior deste álbum ilustrado aparecen os dous protagonistas e xa se pode apreciar a tenrura que transmiten e os grandes detalles cos que están feitos os debuxos. As ilustracións interiores ocupan a maior parte das páxinas e seguen a mesma liña, transmiten moita tenrura, teñen moitos detalles e, malia non ter moito colorido, son moi chamativas. Algo a destacar é que as miradas dos protagonistas son moi realistas e expresivas.

O discurso textual segue a liña de introdución, nó e desenlace. Cómpre dicir que non hai moito texto en cada páxina e está escrito con letra grande, facilitando a súa lectura. Son oracións sinxelas, curtas e, polo tanto, doadas de ler e comprender.

Potencialidades educativas. En canto as potencialidades desta obra para o alumnado de Educación Infantil podemos dicir trata de forma directa o tema da amizade e de como se pode ser amigos sen ter en conta as diferenzas que existan entre eles. Mostra como os amigos fan calquera cousa por axudarse e permanecer xuntos. Ademais, aparece algo tan importante como é a linguaxe de signos. Ademais da amizade, pódense traballar temáticas como a diversidade, a linguaxe de signos, os animais e os sentimentos... xa que todas elas aparecen, en maior ou menor medida, ao longo do conto.

Recursos de interese.





Grupo: Cabaciñas (Laura Domínguez Álvarez, Tania García Pereira, Janira Gil Lago, Noelia Gontad Saavedra, Emma Juncal Paredes)