Senlle, Uxía, Rosalía pequeniña, ilust.
Marina Seoane, Vigo: Editorial: Galaxia, col. “Árbore/galaxia sonárbore”, 2013,
[36 pp.], (ISBN: 978-84-9865-484-4).
Breve descrición do formato e
contido. Estamos ante un
álbum infantil que se caracteriza por incluír unha escolma de poemas de Rosalía
de Castro ou dirixidos a esta poesía que foron musicados pola cantante Uxía e
arranxados de Sérgio Tannus As ilustracións dos personaxes e dos escenarios que
aparecen son figurativas, é dicir, intentan simular a realidade. As cores son
vivas e vistosas, as cales potencian aínda máis o corpo ilustrativo dunha
proposta que combina espazos abertos e pechados, así como sitúa as figuras
humanas en movemento e mesmo en posición estática e reflexiva. A obra iníciase
cun texto de Begoña Caamaño, “Roalía pequeniña”, co que se achega ao lectorado
máis novo para desvelarlle unha Rosalía moi marcada polos sentimentos e
sensacións infantís, ademais de convidalos a entrar no universo poético da
autora padronesa, no que sobresae o ton reivindicativo e de denuncia. Tras a
composición “Rosalía pequeniña”, rexístranse cunha letras agradable para a
lectura outros textos moi coñecidos de Rosalía, cos que facer partícipe á
infancia dunha das voces máis representativas da cultura e identidade galega:
“Como chove miudiño”, “Xan”, “Has de cantar”, “Paseniño”, “Falares de amor”,
“Miña Santiña, miña Santasa”, “Alborada”, “Maio longo”, “A grasia non era
moita” e o poema de Manuel Curros Enríquez “A Rosalía (No bico un cantar)”. O
volume incorpora un CD que recolle os poemas de Rosalía de Castro a través da
voz de Uxía.
Potencialidades
educativas. Con este álbum podemos achegar os nenos/as ao
coñecemento da vida e da obra de Rosalía de Castro dunha maneira máis
atractiva, a través da poesía musicada. Ademais de estar aproximándoos á
cultura galega en xeral e a un dos símbolos identitarios máis singulares de
Galicia, estámolos somerxendo e educando noutras artes como son a poesía, a
música e a plástica.
Recursos de interese.
Vídeo dos poemas cantados de Uxía, Rosalía
pequeniña:
Blog sobre o
libro Uxía, Rosalía pequeniña:
Poemas
musicalizados sobre Rosalía de Castro:
Etiquetas. Mulleres da historia, Rosalía de Castro, poesía,
música.
Autoría. Mulleres na Historia (Mª Cristina Vidal Martínez,
Paula Rey Diz, Andrea García Revuelta e Helena Lemiña).
No hay comentarios:
Publicar un comentario