Niños del mundo

 

Baumann, A. S. Niños del mundo, ilust. Laurence James, Madrid: SM. (+ 4 anos), 2009, [14 pp.] (ISBN: 978-84-675-3512-9)

Descrición do formato e o contido: O libro, de carácter informativo, preséntase nun formato de 20x33cm en cartoné. A súa cuberta e contracuberta ten unha cor laranxa ben chamativa onde apreciamos figuras de animais e persoas na súa vida diaria. A través da visión de diferentes situacións cotiás contadas por nenos procedentes de diversas partes do mundo (Marruecos, Mali, India, China, Rusia, Australia, EEUU, Perú, Brasil e Grecia) observamos as características tan peculiares que agochan imaxes reais sobre un elemento determinado baixo cada un das abundantes lapelas existentes ao longo do libro. O autor resalta cada escena cotiá con ilustracións rebosantes de cores que transmiten enerxía e vitalidade, mostrando de cada país as típicas festas, comidas música, etc. O libro inclúe un magnífico mapa despregable onde se contemplan os cinco continentes con detalles moi significativos. 

Potencialidades: É de fácil manexo para os mais cativos, e posúe un deseño extraordinario para traballar nas aulas todo o relativo ao mundo da diversidade cultural tan presente hoxe en día.

Etiquetas: Vida cotiá, interculturalidade, diversidade.

Autoría: Prímulas: Sonia Álvarez García, Mónica Planet Márquez.