Campanari, José & Cisneros, Jesús, E que podo facer eu?, ilustr. Jesús Cisneros, Pontevedra:
OQO, 2008, [30 pp.], (ISBN: 978-84-9871-049-6).
Breve
descrición do formato e contido. Éste é un álbum literario ilustrado de tapa dura traducido ao galego por
Marisa Núñez no ano 2008. O texto do conto está alternado con imaxes que
describen o desenvolvemento da historia. Dito texto ten letras grandes entendibles para un cativo. Tamén conta
con acoutacións en letra máis pequena que carecen de importancia na comprensión
da historia, pero achegan un toque literario ao conto. Fundamentalmente as cores utilizadas son
tristes e carentes de potencialidade cromática, isto móstranos as preocupacións
constantes do personaxe principal. As preocupacións do protagonista van
desaparecendo ao longo do conto cando se decata do que pode facer, axudar os
demais. Axuda a unha veciña comprándolle o pan, xa que sofre dunha doenza, e
máis tarde traslada un cativo ao hospital, dado que a nai non pode levalo por
mor dos nervios etc. O protagonista consegue a paz interior que tanto anhelaba,
sentíndose en plenitude consigo mesmo polo realizado.
Potencialidades
educativas. Esta fermosa historia cóntanos a complexa vida das persoas empáticas. As
continuas preocupacións do personaxe principal polos problemas dos demais fan
del unha figura exemplar. Así os mínimos problemas dos demais quítanlle o sono
e fan que actúe de maneira cooperativa, xenerosa, amable, cordial..., ata
conseguir ter unhas calidades tan extraordinarias que nos serven de admiración.
Outras das potencialidades educativas son a amizade, a educación e a bondade.
Aspectos todos eles moi pertinentes para abordar cos máis pequenos e pequenas.
Recursos de interese.
Conto
dixital:
Etiquetas. Xenerosidade, cordialidade,
cooperación, empatía, bondade.
Autoría. Xoubiñas (Nuria Mª Serodio Pérez,
Sara Vázquez Montes e Cristina Vidal García).
No hay comentarios:
Publicar un comentario