Horácêk, Petr, El ratón
que se comió la luna, Trad. Teresa
Farran, Barcerlona :Editorial Juventud, 2014, [28 pp.], (ISBN: 978-84-261-4063-0).
Breve descrición do formato e contido. Este volume encadernado en
cartoné ten unhas dimensións de 23,8x25,6cm. Na cuberta pódese observar o rato
que é o protagonista da historia e a lúa que tamén é protagonista, aínda que de
forma indirecta. As ilustracións son a páxina completa e defínense polas súas
cores vivas; e o texto, sinxelo e escrito en minúscula, está escrito sobre ela.
O fío da historia manteno un narrador externo, ao que acompañan os diferentes
personaxes por medio das súas intervencións. A historia cóntanos como un rato,
que admira a lúa, encontra un día un pedazo dela e a come a bocados. Ao
decatarse de que nunca volverá ser redonda e grande, vai atopándose con outros
animais e contándolle o sucedido. Finalmente a lúa volve brillar no ceo, porque
ninguén a pode comer.
Potencialidades educativas. Con esta proposta literaria e ilustrativa podemos aproximarnos á lúa, ás
súas fases, ao universo e todo o que ten que ver con esa temática. Tamén
permite achegarse ao mundo animal, xa que o personaxe principal é un rato que
durante todo o conto entra en contacto con outros seres animais. Así mesmo,
posibilita traballar os sentidos, xa que o rato ole a lúa, vea, próbaa etc.
Recursos de interese.
Vídeo sobre o conto:
Blog que fala sobre o conto:
Etiquetas. Lúa, espazo, animais, sabores, sentidos.
Autoría. Alexandra Rodríguez González
No hay comentarios:
Publicar un comentario