Grejniec, Michael, A que
sabe a lúa?, trad. Carmen
Barreiro, Pontevedra: Editorial Kalandraka, 2007, [36 pp.], (ISBN: 9788484646259).
Breve descrición do formato e contido. Estamos ante un volume de tapa
dura de dimensións 19,5 x 29
cm . Na cuberta pódese observar a lúa, que é a
protagonista indirecta da historia. No seu interior, nunha das caras de cada
páxina está o texto e no outro, unha ilustración a cara completa. O texto é
sinxelo e está escrito en letra minúscula, pero de tamaño adecuado para os
cativos e en cor negra, sen ter variacións ao longo da historia. As
ilustracións sintonizan co relato do texto e caracterízanse porque son imaxes
moi descritivas e exemplificativas dos feitos narrados. O fondo das imaxes
sempre é escuro, xa que representa a noite e as cores dos animais destacan
sobre esa escuridade. Un narrador externo recrea a historia intercalando tamén
breves diálogos entre os animais protagonistas. Nela cóntanos como os animais
querían coñecer o sabor da lúa e, para conseguir un pedazo, traballan de forma
cooperativa entre todos facendo unha torre subindo uns encima doutros ata poder
chega ata a lúa. Cando conseguen un pedazo para cada un deles é o sabor que
máis lles gusta.
Potencialidades educativas. Mediante esta obra pódense traballar valores tan importantes como a
solidariedade, a amizade e o traballo cooperativo, valores moi necesarios neste
mundo de competitividade. Coa súa mensaxe transmítesenos que os soños non son
inalcanzables se contamos coa axuda dos demais, así como permítelle ver ao noso
alumnado que crea en si mesmo e na importancia de axudar os demais. Ademais as
ilustracións e o texto son moi adecuados para as idades de Educación infantil.
Recursos de interese.
Vídeo sobre o conto adaptado:
Blog que fala sobre o conto:
Etiquetas. Lúa, espazo, animais, cooperación.
Autoría: Alexandra Rodríguez González.
No hay comentarios:
Publicar un comentario