Smallman, Steve, La ovejita que vino a cenar, ilustr. Joelle Dreidemy, trad.
Monserrat Alberte, Barcelona: Editorial: Beascoa, col. “Ya sé leer” (a partir
de 4 anos), 2006, [28 pp.] (ISBN:
978-84-488-2454-9).
Breve descrición do
formato e contido. Desde as imaxes exteriores deste álbum rectangular de tapas duras, o
lectorado xa pode intuír cal é a temática da historia que recollen as súas
páxinas. Na cuberta atopamos o título do libro coa ilustración
da ovella e do lobo sentados nunha mesa, mentres que na contracuberta vemos o
lobo e a ovella abrazados moi agarimosamente. Así mesmo noutras partes do
volume, como é a cuberta, avánzanse outros aspectos desta historia de amizade
que tamén se pode seguir a través dunhas ilustracións repletas de color e de
emoción. Baixo o formato gráfico dun texto, no que sobresae o emprego dalgunhas
letras maiúsculas, recóllese a historia dun lobo que sempre tiña fame e que
ceaba sopa de verduras, ata que aparece na súa porta unha ovelliña chea de
frío. Malia pensar que acabaría sendo un suculento manxar, a relación que se
establece entre estes dous personaxes fai que todo mude. Finalmente acaban sendo
amigos como quería a ovelliña.
Potencialidades educativas.
Con este relato pódese traballar a amizade, a través da alimentación, de dous individuos
nun principio antagónicos. Así evidénciase como cada un de nós se pode facer
amigo doutra persoa que ao inicio se considera hostil ou inimiga, ademais de
apareceren outros valores relativos á solidariedade, emocións...
Recursos de interese.
Autoras: Pulgariñas (Ana
Salgado Pazos, Cecilia Solla Vázquez, Alicia Vidal Peneireiro e Tatiana Viéitez
Losada).
No hay comentarios:
Publicar un comentario